Gujarati News

લોકસભાની ત્રીજા તબક્કાની ચૂંટણીને હવે ગણતરીના દિવસો જ બાકી છે. ત્યારે રાજકીય પાર્ટીઓ સહિત સરકાર અને ચૂંટણી પંચ દ્વારા વધુમાં વધુ મતદાન થાય તે માટે પ્રયાસ કરાઈ રહ્યાં છે. મહેસાણામાં જિલ્લા કલેકટરે રેપ સોંગ દ્વારા લોકોને મતદાન કરવા પ્રોત્સાહિત કર્યાં છે. 

લોકસભાની ત્રીજા તબક્કાની ચૂંટણીમાં વધુમાં વધુ મતદાન થાય તે માટે પ્રયાસ થઈ રહ્યા છે. વધુમાં વધુ લોકો મતદાન કરે તે માટે જાગૃતિ લાવવા માટે અવનવા પ્રયાસો હાથ ધરવામાં આવ્યા છે. ત્યારે આવો જ અનોખો પ્રયોગો મહેસાણામાં કરવામાં આવ્યો છે.

મહેસાણા જિલ્લા કલેકટર સ્ટાફ દ્વારા મતદાન માટે અપીલ કરવા માટે રેપ સોંગ બનાવવામાં આવ્યુ છે. આ સોંગમાં મતદાન કરવુ કેટલુ મહત્ત્વનું તે અંગે જણાવામાં આવ્યુ છે. આ ઉપરાંત મહેસાણાની જનતાને મતદાન કરવા આવકાર્યા છે. 

આ રેપ સોંગના લિરિક્સમાં, મતદાન કરવામાં માટે ક્યા ડોક્યુમેન્ટ લઈને જવા તે અંગે પણ માહિતી આપવામાં આવી છે. આ સોંગના વીડિયોમાં જિલ્લા કલેકટર યો - યો સ્ટાઈલ કરતા જોવા મળ્યા હતા.