સાંજે ભરૂચમાં ભારે પવન સાથે ધોધમાર વરસાદ; નીચાણવાળા વિસ્તારમાં પાણી ભરાવાની સમસ્યા

News of Monday, 21st September 2020

સાંજે ભરૂચમાં ભારે પવન સાથે ધોધમાર વરસાદ; નીચાણવાળા વિસ્તારમાં પાણી ભરાવાની સમસ્યા

લાલબજાર ખાડી વિસ્તારમાં અચાનક આવેલા વરસાદી પાણીના તેજ પ્રવાહે સ્થાનિકોમાં ચિંતા જન્માવી

ભરૂચમાં આજે સાંજે અચાનક વાતાવરણમાં પ્લટા બાદ વાવાઝોડા સાથે ધોધમાર વરસાદ વરસ્યો હતો. વરસાદના પગલે નીચાણવાળા વિસ્તારોમાં પાણી ભરાવાની સમસ્યા સર્જાઈ હતી. ભરૂચના સેવાશ્રમરોડ, પાંચબત્તી, કસક અને લાલબજાર ખાદી વિસ્તારમાં વરસાદી પાણી ભરાવાની સમસ્યા ઉભી થઈ હતી. વાવઝોડા અને ગાજવીજ સાથે વરસતા વરસાદમાં વીજળીના ચમકારા સાથે ગડગડાટ સતત સાંભળતા હતા. લાલબજાર ખાડી વિસ્તારમાં અચાનક આવેલા વરસાદી પાણીના તેજ પ્રવાહે સ્થાનિકોમાં ચિંતા જન્માવી હતી. જો કે વરસાદ ધીમો પડતા સ્થાનિકોએ રાહત અનુભવી હતી.