Gujarati News

મુંબઇ તા. ૧૬ : કોરોના વાઇરસ જે પ્રકારે ફેલાયો છે એને જોતાં જો ફિલ્મ- ઇન્ડસ્ટ્રીને એમાં રસ ન પડે તો જ નવાઈ, કોરોના વાઇરસના ટોપિક સાથે સૌથી પહેલાં આગળ વધવાનું કામ બીજા કોઈએ નહીં, પણ ઇન્ડિયાના ટોપ રેન્જના પ્રોડકશન-હાઉસ ઇરોઝ ઇન્ટરનેશનલે કરી છે. ઇરોઝે કોરોના વાઇરસને કેન્દ્રમાં રાખીને ફિલ્મ અનાઉન્સ કરી છે, જેનું ટાઇટલ 'કોરોના પ્યાર હે' નક્કી થયું છે. ઇરોઝે આ ટાઇટલ રજિસ્ટર પણ કરાવી લીધું છે.

'કોરોના પ્યાર હૈ' સેમેન્ટિક-ટ્રેજિક લવ-સ્ટોરી છે. અચાનક જ ફેલાઈ રહેલા વાઇરસથી બચવા માટે કેવી રીતે હીરો પ્રયાસ કરે છે અને કેવી રીતે તે પોતાની હિરોઇનને બચાવવાની કવાયત હાથ ધરે છે એ પ્રકારની આ ફિલ્મ ઇરોઝ પોતાના વેબ પ્લેટફોર્મ ઇરોઝ નાઉ પર રિલીઝ કરશે.