Gujarati News

સબ ટીવી પરનો શો તેરા કયા હોગા આલિયા?માં નવો વળાંક આવ્યો છે. જેના કારણે ડબલ ધમાલ થશે. આ શોમાં મુખ્ય રોલ નિભાવી રહેલા આલોકને ડબલ રોલ મળ્યો છે. આલોક જેવો જ દેખાવ ધરાવતો એક બલ્લી નામનો ગૂંડો આ શોમાં એન્ટ્રી લઇ રહ્યો છે. બલ્લીનું પાત્ર જો કે હર્ષદ અરોરા જ નિભાવી રહ્યો છે. હર્ષદ આલોક અને બલ્લી એમ ડબલ રોલ મળવાને કારણે અત્યંત ખુશ છે. તે પહેલી જ વખત આવો રોલ નિભાવી રહ્યો છે. એક દ્રશ્યમાં આલિયાની સ્કૂલમાં મિસિસ આગરાની ઉજવણી કરવાની હોય છે ત્યારે જ બિલ્ડર આ સ્કૂલને તોડી ત્યાં બિલ્ડીંગ બનાવવાનો પ્લાન કરે છે. આ માટે સ્કૂલ ખાલી કરાવવાનું કામ બિલ્ડર બલ્લીને સોંપે છે. આ રીતે શોમાં બલ્લીની એન્ટ્રી બતાવાઇ છે. બલ્લીને આલોકની જગ્યાએ બતાવવા માટે શોમાં આલોકનું અપહરણ થતું દર્શાવાશે. આમ હર્ષદને ડબલ રોલ મળ્યા છે. તે કહે છે આ બંને પાત્રો વિપરીત હોવાથી તેને નિભાવવામાં તકલીફ પડી હતી.