અમેરિકાના પ્રેસિડન્ટ પદના ડેમોક્રેટ ઉમેદવાર તરીકે જો બિડનની આગેકૂચ : મિચીગન ,મિસોરી ,અને મિસિસિપી પ્રાઈમરી ચૂંટણીમાં બર્ની સેન્ડર્સ સામે સરસાઈ મળ્યાના અહેવાલ

વોશિંગટન : અમેરિકામાં નવેમ્બર માસમાં યોજાનારી પ્રેસિડન્ટ પદની ચૂંટણીમાં વર્તમાન રિપબ્લિકન પ્રેસિડન્ટ ડોનાલ્ડ ટ્રમ્પને પરાજિત કરવા સબળ ગણાતા બે ડેમોક્રેટ ઉમેદવારો જો બિડન અને બર્ની સેન્ડર્સ પૈકી બીડને મિચીગન ,મિસોરી ,અને મિસિસિપીમાં સરસાઈ મેળવી લીધી હોવાનું સમાચાર સૂત્રો દ્વારા જાણવા મળે છે.જોકે હજુ ઇડાહો ,ડાકોટા ,તથા વોશિંગટનમાં મતદાન બાકી છે.ત્યાર પછી આખરી ચિત્ર સ્પષ્ટ થશે.ત્યાં સુધી હાલમાં તો જો બિડનનું પલ્લું ભારે હોવાનું જણાઈ રહ્યું છે.