આરટીઆઇમાં ખુલાસો

રાષ્ટ્રપતિ, કેન્દ્રીય મંત્રીઓ, એનએસએ, સીડીએસ, ત્રણેય સેના પ્રમુખોનું નાગરીકતા પ્રમાણપત્ર કેન્દ્ર સરકાર પાસે નથી !!

નરેન્દ્રભાઇના ભારતમાં જન્મને જ તેમની નાગરીકતાનો પુરાવો ગણાવાયો

નવી દિલ્હીઃ કેન્દ્ર સરકાર પાસે રાષ્ટ્રપતિ, કેન્દ્રીય મંત્રીઓ, રાષ્ટ્રીય સુરક્ષા સલાહકાર, સીડીએસ, ત્રણેય સેના પ્રમુખોનું નાગરીકતાના પ્રમાણ સરકારી રેકોર્ડમાં ઉપલબ્ધ નથી, જયારે વડાપ્રધાન મોદીના ભારતમાં જન્મને જ સરકારે તેમની નાગરીકતાનો પુરાવો જણાવ્યો છે.

આ સમગ્ર માહિતી હરીયાણાના આરટીઆઇ કાર્યકર્તા પીપી કપુર દ્વારા કરવામાં આવેલ અરજીના જવાબમાં  આપવામાં આવી છે. કપુરે ૨૦  જાન્યુઆરીના રોજ વડાપ્રધાન કાર્યાલયમાં કરેલ આરટીઆઇ દ્વારા નાગરીકતા પ્રમાણપત્ર સંબધી માહિતી માંગી હતી.