કોલકાતા નાઈટ રાઈડર્સે 20 ઓવરમાં 6 વિકેટ ગુમાવીને 235 રન બનાવ્યા:જવાબમાં લખનૌની ટીમ 16.1 ઓવરમાં 137 રન જ બનાવી શકી હર્ષિત રાણા અને વરુણ ચક્રવર્તીએ 3-3 વિકેટ લીધી

કોલકાતા નાઈટ રાઈડર્સે લખનૌ સુપર જાયન્ટ્સને 98 રનથી હરાવ્યું છે. આ જીત સાથે કોલકાતાની ટીમ પોઈન્ટ ટેબલમાં પ્રથમ સ્થાને પહોંચી ગઈ છે. IPL 2024ની 54મી મેચમાં કોલકાતા નાઈટ રાઈડર્સે 20 ઓવરમાં 6 વિકેટ ગુમાવીને 235 રન બનાવ્યા હતા, જેના જવાબમાં લખનૌની ટીમ 16.1 ઓવરમાં માત્ર 137 રન જ બનાવી શકી હતી. લખનૌ તરફથી માર્કસ સ્ટાઈનિસે સૌથી વધુ 36 રન બનાવ્યા હતા. કોલકાતા તરફથી હર્ષિત રાણા અને વરુણ ચક્રવર્તીએ 3-3 વિકેટ લીધી હતી.

236 રનના ટાર્ગેટનો પીછો કરવા આવેલી લખનૌ સુપર જાયન્ટ્સની ટીમને બીજી જ ઓવરમાં પહેલો ઝટકો લાગ્યો હતો. અર્શિન કુલકર્ણી 7 બોલમાં માત્ર નવ રન બનાવી શક્યો હતો. કેપ્ટન કેએલ રાહુલે 21 બોલમાં 25 રન બનાવ્યા હતા. દીપક હુડા 5 રન બનાવીને આઉટ થયો હતો, માર્કસ સ્ટાઈનિસ 21 બોલમાં 36 રન અને નિકોલસ પૂરન 10 રન બનાવીને આઉટ થયો હતો. આયુષ બદોની 12 બોલમાં માત્ર 15 રન બનાવી શક્યો હતો. ટર્નરે 9 બોલમાં 16 રન, કૃણાલે 6 બોલમાં 5 રન, યુધવીરે 7 બોલમાં 7 રન અને રવિએ બે રન બનાવ્યા હતા. હર્ષિતે રવિને આઉટ કરીને લખનૌની ઇનિંગ્સનો અંત આણ્યો હતો.

પ્રથમ બેટિંગ કરતા કોલકાતા નાઈટ રાઈડર્સે 20 ઓવરમાં 6 વિકેટ ગુમાવીને 235 રન બનાવ્યા હતા. લખનૌના અટલ બિહારી વાજપેયી સ્ટેડિયમમાં આ સૌથી મોટો ટોટલ બની ગયો છે. આ પહેલા કોઈપણ ટીમ 200નો આંકડો પાર કરી શકી ન હતી. કોલકાતા તરફથી સુનીલ નરેને સૌથી વધુ 81 રન બનાવ્યા હતા. લખનૌ તરફથી નવીન ઉલ હકે ત્રણ વિકેટ ઝડપી હતી

ફિલ સોલ્ટ અને સુનિલ નારાયણે કોલકાતાને ધમાકેદાર શરૂઆત અપાવી હતી. ફિલ સોલ્ટ 14 બોલમાં 32 રન બનાવીને આઉટ થયો હતો. બંને વચ્ચે 61 રનની ભાગીદારી થઈ હતી. નવીને ફિલને આઉટ કર્યો. સુનીલ નારાયણ 39 બોલમાં 81 રન બનાવીને પેવેલિયન પરત ફર્યો હતો. પોતાની ઇનિંગમાં તેણે 6 ફોર અને 7 સિક્સર ફટકારી હતી. આન્દ્રે રસેલ માત્ર 12 રન બનાવી શક્યો હતો. રઘુવંશી 26 બોલમાં 32 રન બનાવીને આઉટ થયો હતો.

કોલકાતા નાઈટ રાઈડર્સે લખનૌ સુપર જાયન્ટ્સને 98 રનથી હરાવ્યું છે. આ જીત સાથે કોલકાતાની ટીમ પોઈન્ટ ટેબલમાં પ્રથમ સ્થાને પહોંચી ગઈ છે

(11:45 pm IST)